WILLEMSTAD:- Esaki ta e promé bòternan di serbes Brion, trahá na Barbados, eksklusivamente pa Kòrsou. Brion ta un inisiativa di yunan di Kòrsou amante di serbes, ku ta haña ku Kòrsou meresé su propio serbes nashonal, manera tur pais ku ta respetá su mes tin. Despues di varios tèst di sabor, ehekutá pa amantenan di serbes lokal ku eksperensha amplio, a sali un meskla dushi i refreskante. Henter e proseso di desaroyo, mehorashon i tèstmentu ekstenso pa yega na e produkto final, a tuma mas ku tres aña. Medio luna di Oktober porfin nos por saboriá e promé bòternan di serbes Brion i habri un era nobo den kua nos ta spera di por gosa di nos orguyo nashonal nobo pa hopi aña. Pa mas informashon of pedido por yama 562-7465 of 562-7466