Kòrsou, 5 di yüni 2015 – Pa konmemorá “Environment Day” rònt mundu riba 5 di yüni, Arcos Dordos Holdings, Inc. (NYSE:ARCO), e kadena di restorant mas grandi den Latino Amérika i e operador di McDonald’s mas grandi, ta konfirmá su kompromiso pa protehá e ambiente den tur su proseso nan, inkluyendo ‘supply chain’, ingrediente nan, paketamentu i e fasilidatnan di su restorantnan den Latino Amérika i Karibe. “Ta e deber di tur hende i di e kompania pa usa e rekursonan natural di nos planeta na un manera responsabel. Si nos sigui gasta na e manera aki, den un par di aña nos lo a gasta tur nos planeta su rekursonan. Den aña nan resien, McDonald’s a guia nos ‘supply chain’ i restorantnan pa sirbi e mihó kuminda, miéntras siendo responsabel pa e ambiente,” asina Gabriel Serber, Managing Direktor di Arcos Dorados region Karibense a bisa. Algun akshon ku a wòrdu tuma dor di Arcos Dorados pa inkluí:

• Maneho di Shushi: For di e 34,113 restorant den McDonald’s su sistema, 90% di e zeta pa kushina ku a wòrdu usa a keda resiklá den 2013, tambe 77% di karton.
• Restorantnan Ekologia: Hopi di McDonald’s su edifisionan a wòrdu traha òf a keda diseñá pa haña e sertifikashon di LEED (Leadership in Energy & Environmental Design), kaminda awa di áwaseru ta keda kolekta anto usa pa limpia lugá di stashoná outo limpia tualèt. Turbinanan ku ta generá koriente a keda instalá, tambe lus nan LED (Low Emitting Diode) ku ta usa ménos energia. E tipo di restorantnan aki tin na Argentina, Brazil, Mexio, Costa Rica i Puerto Rico.
• ‘Sustainable Raw Materials’: e provedornan di kòfi pa McDonald’s na Brazil ta sertifiká dor di ‘Rainforest Alliance’ anto tur karga ta sertifiká dor di FSC (Forest Stewardship Counsil). Arcos Dorados no ta usa Palm Oil, eliminando e rísiko di rosamentu di mondi ora ta bin na zeta pa kushina.
• Protehando e Amazonia: pa 25 aña, McDonald’s i Arcos Dorados a duna siguransa ku nan karni no ta bin di partinan den Amazonia ku a keda rosa. Tambe, e provedornan di McDonald’s ta prohibí e uso di ‘soy’ for di arianan ku e keda rosa for di 2007.

Otro metanan di Arcos Dorados ta pa oumentá energia efisiente ku 20% pa 2020 i pa oumentá resiklamentu den e restorantnan ku 50% i pa minimisá gastamentu en general. Den 2014 Arcos Dorados a introdusí su promé ‘Sustainability Report’, kual ta nombra nan logronan den protekshon ambiental, nutrishon, dunamentu di trabou i envolvimentu di komunidat. pa siña mas di ‘Arcos Dorados Sustainability Reporting’, bishita: www.arcosdorados.com.