Hopi ta esunnan ku ta tuma tempu atmirá un outo klásiko ora e pasa i dal su pitu di sinfonía. Den boka di pueblo yamá “Wabi”. Un nòmber ku a haña un nifikashon diferente for di esun ku ta denominá e presioso mata pa e motibu ku e klup prestigioso di afisionadonan di outonan klásiko aki na Kòrsou ta karga e nòmber ey. Un klup ku sigur  a demostrá derechí di eksistensia. Dia 31 di òktober próksimo Wabi Club lo kumpli no menos ku 50 aña di eksistensia. Den kuadro di esaki e klup ta hasi un yamada na tur doñonan di outo di mas ku 30 aña bieu ku ke partisipá den e selebrashonnan pa tuma kontakto na telefòn 529-9224 of manda un mail na wabiclubcuracao@gmail.com De paso Wabi Club ta invitá komunidat di Korsou kompletu pa keda pendiente pa e aktividatnan ku lo bai tin durante 2015 pa selebrá e hecho komemorabel aki.