Willemstad, despues di un tremendo estreno siman pasa di e obra Na port’i skol, e siman aki bo tin chèns pa bin wak e tremendo obra aki djabièrnè 5 i djasabra 6 yuni pa 9or di anochi i djadumingu 7 di yuni 8or di anochi. Manera ya boso a kustumbrá e eskritor  Pachi Damon ta skibi su obra nan basá riba bida real i e biaha aki no ta un eksepshon e obra aki lo bo por mira suseso nan ku ta pasa riba tereno di skol enserando aktitut di alumno, mayor, yùfrou i mener nan di skol. Den e obra aki bo ta hañabu ku Betty, mama di Keisha ku kada biaha ta bai buska problema na Tarzan College pa reklamá yùfrou Tania algu. E muchanan di Keisha su klas, Tenti, Siki i Lienne ta fada ku kada biaha tin problemanan den nan klas. Siman pasa e tabata “ Sold Out” pues no laga na lastu momentu pa buska bo karchi i disfruta di e tremendo komedia aki “ Na Port’i skol” Proksimo funshonnan ta djabièrnè 5 i djasabra 6 yuni 9or di anochi i djadumingu 7 yuni 8or di anochi na Teatro Luna Blou. Tuma nota ku e funshon di djadumingu ta 8or di anochi! Karchi nan optenibel na Teatro Luna Blou, Time to Time Saliña i Pompstation Sta.maria. Pa mas informashon por yama na Teatro Luna Blou na 462-2209. Por bishita nos página wep: www.lunablou.com òf nos página di facebook: Teatro Luna Blou.