WILLEMSTAD – Maduro & Curiel’s Bank N.V. a klousurá su eksitoso kampaña SimpelFiansa ‘Back to school’. E kampaña di Bo Banko Amigu a brinda komunidat di Kòrsou e oportunidat pa hasi un fiansa personal pa kumpra artíkulonan pa skol na un interes hopi atraktivo i tambe chèns pa gana un IPad. Resientemente a tuma lugá na MCB su kantor na Rooi Catootje entrega di e IPad na e ganador di e kampaña ku a resultá di ta señora Lysandra Leito. Maduro & Curiel’s Bank su departamento di Fiansa Personal i Hipotek ta sigui brinda su servisionan na kliente ku mester di un fiansa personal, di outo òf hipotek. Banda di risibí un interes atraktivo, ku MCB e kliente ta spar Fun Miles ku e por troka na negoshinan partisipante. Ademas tur luna ta saka dos representante bou di e klientenan ku nan fiansa a keda aprobá pa partisipá na e gameshow Bai’e kaminda por gana sèn kèsh òf un outo nobo. Riba e pòtrèt por mira señor Dangelo Stroop, Gerente General di Departamento di Fiansa Personal i Hipotek di MCB entregando e felis ganadó, señora Lysandra Leito, su premio.