Sinenan di Sambil ta habri dunando espasio na produkto lokal…

Willemstad.- Ku motibu di inaugurashon di e grupo di salanan di Sentro Komersial Sambil Korsou, gerensha di “Cinemark” empresa operadora di e komplex di sine aki i ku ta  ubika na di dos luga entre esnan mas grandi ront mundu a disidi di inklui riba sukartelera sinematografika e pelikula lokal SENSEI REDENSHON, skirbi i dirigi pa e Direktor lokal German Gruber Jr.

Ku e gesto aki, “Cinemark” ta demostra su apoyo na produkto lokal i tambe ta brinda un oportunidat mas pa pueblo di Korsou i bishitantenan por disfruta di e re-lansamentu di e film asina gusta ku a kausa furor na final di ana 2013.

Manera nos tur por korda e pelikula aki a ser filma riba esenarionan lokal ku intervenshon di masha hopi talentonan di Korsou. Su Protagonista ta Raul de Windt, Merietza Haakmat, Redferne Regales, Benazir Charles, Sharif Sprokel, Brian Pietersz, Vale Croes(+) kende tin un figurashon masha importante tambe, Edsel Juliet, Amos Balentien, I henter un elenko masha grandi mes.

Un invitashon na henter pueblo di Korsou, espesialmente esnan ku ainda no por a disfruta di e obra aki, SENSEI REDENSHON lo bai hunga tur anochi pa 8:00 pm. kual a ser aspeta ku masha bon komentario diparti di gerensha di “Cinemark”, pero tambe na esnan tur ku ke wak’e un biaha mas, no perde e oportunidat uniko aki di sera konosi ku e magasentro koersial Sambil pero tambe ku su salanan di sine altamente moderno i espasioso ku masha hopi karakteristika ku ta hasiele e mas moderno di nos region di Karibe.