Willemstad- Resientemente e Chief Finacial Officer (CFO) di CIBC FirstCaribbean Sr. Brian Lee a bishita Kòrsou.  Sr. Lee resientemente a keda apuntá komo e Presidente di e Hunta di Supervishon di CIBC FirstCaribbean na Kòrsou i Aruba. Sr. Lee durante di su bishita a suprayá e kontribushon balioso di e ofisina na Kòrsou na e banko su resultadonan.  Lee durante un enkuentro ku e personal, a suprayá e importansha pa keda fiha riba e kliente, algu ku e banko ta sumamente esensial.  Ela elogiá e ekipo di Korsou pa nan aporte na e banko su resultadonan. CIBC FirstCaribberan resientemente a anunsiá su mihó resultado den un kuartal den e último kuater añanan.  E banko a registrá un entrada neto di $26.6 mion, den e periodo di tres luna ku a kaba yanüari 31, 2015.  Esaki ta e mihó resultado registrá desde 2010.  Sigun Mr. Lee esaki ta debí na un pèrdida mas abou gastunan di fiansanan difísil pa rekobrá i gastunan di operashon mas abou no opstante un redukshon den entrada total di $7.3 mion aña riba aña.  E banko a sigui benefisiá di su inisiativanan pa otronan gastunan i ganashi for di su restrukturashon di su operashonnan.  E gastunan di operashon a baha ku $ 4.0 mion florin kompará ku e mes un periodo aña pasa danki na e esfuersonan aki. E CFO di CIBC FirstCaribbean a tuma e oportunidat pa enfatisá e importansha di no únikamente atkerí kliente pero unabes nan ta kliente di e banko hasi lo máksimo pa tene e kliente satisfecho.  Sr, Lee a suprayá e kompromiso di tin un liña di komunikashon habri ku empleadonan speshalmente ora ta trata di inisiativanan pa ta mehorá nan posibilidat pa oumentá e e banko du prestashon i satisfasé kliente.  Ela konkluí elogiando e tim di Kòrsou pa nan kontribushon balioso na e banko