Willemstad –  Resientemente Shamiro Anita, e hóben kantante di músika Gospel na Kòrsou, a lansa i bendishoná su álbum nobo titulá ‘Kalma e tormenta’ den un sala yen yen na Kura Hulanda. Durante di e selebrashon tabata tin presentashon di Shamiro su biografia, kanto i bailenan bunita pa tur ku tabata presente. Ta trata aki di un bunita CD di kalidat haltu. E álbum ‘Kalma E Tormenta’ su mensahe prinsipal ta ku Dios por yuda bo den tur situashon difísil i doloroso den bo bida; Dios por kalma e tormentanan di nos bida. E enfoke ta ku ni maske kuantu tempu un situashon doloroso dura, Dios por kalma e situashon aki i trese trankilidat I alegria bek den nos bida i tambe den nos pais. Riba e álbum nobo aki tin un total di 9 kantika kual ta : 1) Kalma e tormenta, 2) Masha Danki, 3) Lanta Mi Ariba, 4)Awaseru di Amor, 5)Fiesta, 6)Temporal, 7) Stima Otro, 8) When you believe i 9) Alaba a Dios. E álbum ta kontené tambe un tremendo Poesia ku Shamiro a prepará ku yama : ‘Esei ta mi Dios! Abo konos’é ?’. E kantikanan riba e album nobo aki tin 7 diferente estilo ku ritmo varia, loke ta algu nobo di Shamiro den e album. Tin Power Ballad, Pop, Soft Rock, Azonto Pop, Inspirational Pop, Adult Contempory, R&B i Worship, tantu na papiamentu, ingles i spanjo. E álbum aki ta e di 5 álbum ku Shamiro ta lansa den su trayektoria komo kantante. Shamiro a lansa su promé álbum titulá ‘Move tur Montaña’ na Novèmber 2010. ‘Move tur Montaña’ tabata e álbum ku a hasi Shamiro konosí komo un kantante di músika Gospel tantu na Kòrsou, Aruba, Boneiru, i Hulanda. Na momentu ku un persona kumpra e álbum aki òf kualke otro álbum di Shamiro, e ta kontribuí direktamente na e trabou positivo ku Shamiro ta hasiendo. Shamiro ta dediká su mes na kompositá kantikanan, traha álbumnan, traha videoclipnan i tambe organisá konsiertonan ku tin e meta prinsipal di bendishoná, enkurashá i stimulá tur hende ku skucha su kantikanan ku mensahenan positivo i prensipalmente ku e palabranan di Dios. Por kumpra e album nobo aki na tur diskutienda na Kòrsou I tambe online via di CD-baby, I-Tunes, Amazon I www.shamiromusic.com. Pronto e lo ta disponibel na Aruba, Bonaire i Hulanda. Por skucha e potpori riba https://www.youtube.com/watch?v=7aOBdYSOdgE Pa mas informashon por email anita_miro@hotmail.com, what’sapp of bel Tel: 5622233. Riba e kombinashon di potret por Mira Shamiro durante “ Estreno i Debut di su Albun nobo Kalma E Tormenta”.