…na kaminda pa outo #100…abo ta e siguiente ganadó?

WILLEMSTAD/ MEI 2015 – Outo 98 tambe tin doño nobo! Srta. Shanila Martina entretantu tin su outo nobis nobis. Carnaval Casino ta pendiente pa selebrá su di 100 KIA Cerato Koup; ta preparando un selebrashon spesial i premionan adishonal. Ken lo bai kas ku e di shen outo? Pa 2015, esaki ta bira e di 5 outo. For di 2010 Carnaval Casino ta dunando e oportunidat di gana un outo nobo; tur ku purba suerte na e mashin ‘Mystery Jackpot/ Win A Car’ i saka e kombinashon ganador tin chèns! Miéntras ku Carnaval Casino ta pendiente pa e selebrashon, resientemente srta. Shanila Martina bibá na Kòrsou a gana e di 98 KIA Cerato Koup. Despues di rekreá un ratu purbando ku únikamente $2,50, e mashin a saka e zonidonan popular pa anunsiá ku srta. Martina a gana e KIA Cerato Koup full ekipá. Mesora ehekutivonan di Carnaval Casino a aserká srta. Martina pa brinda ku shampaña i selebrá e momentu spesial. Masha pabien na srta. Martina.