Handicaps Rights Foundation a selebrá dia di mama ku su klientenan. Dia 10 di mei 2015 ku tabata un dia spesial pa nos mamanan. Handicaps Rights Foundation tambe a duna e honor aki na nos mamanan ku un desabilidat. Den un ambiente ameno e klientenan por a selebrá e dia tan spesial aki. E programashon a inisia ku un kurashamentu spiritual, siguí pa un sena spesial pa e mamanan. Durante e aktividat aki tambe e mama di aña a keda elegí i e honor aki a keda duna na Noris Cristina. Pa kulminá e selebrashon asina spesial aki, e mamanan presenté a keda deleitá ku kantikanan di nos konosidó kantante Romeo Heijer. Nos kier a yama un danki spesial na señora Sislin Cleofa, Lilian Tores, Diana Nicaela i Lilian Girigorie pa nan koperashon duná. I komo fundashon un biaha mas nos kier gradisí nos kantante tan stimá Romeo Heijer pa e bunita show presentá, kual a relahá i agradá e nochi di nos mamanan di Handicaps Rights Foundation.