Djasabra ultimo, Korsou a konose su di 5 edishon di Anochi pa Hende Muhe 2015 . Tim Mensahe Bendishona a organisa nan di 5 anochi pa Hende muhe i tabata eksitoso tantu na kantidat komo na kalidat spiritual kaminda diferente oradora duna nan testimonio , tambe a ministra e palabra di Dios i kantante nan a kanta pa glorifika Dios su grandesa. Odulio Willems tabata yen , Shayenne Grijaloe i Kathleen Prins a presenta nan testimonio sigui pa kanto di Myriam Lavache i tambe un artista invita ku tabata Shenyo Bokshoven ku ta un hoben talentoso ku a presenta kantika nan spesial pa e ser mama. Shurminia Raphael Martina tabata e animado pa e anochi i a tene e mama nan lanta ku diferente salmo, teksto bibliko i tambe tabata spierta muhenan pa keda semper ku e grasia di Dios den nan bida i na final e orador prinsipal Sivienka Obispo i tambe ku orashon i ministrashon di Mariella Kuwas i Queenie Statia ku akompanjamentu di Living Grace . Un anochi bendishona , un anochi kaminda muhe nan di Dios por a sinti E presensia di Dios alabando, kantando i glorifikando su grandesa.