WILLEMSTAD- Mei 2015; Entrante djaluna 11 di mei 2015 e ATM di Banco di Caribe na Sandy Center (F.D.Rooseveltweg) lo no ta den servisio te un próksimo aviso. Riba e fecha menshoná lo inisiá trabounan di konstrukshon. Miéntrastantu, Banco di Caribe ta invitá tur kliente i otro usuario pa bishitá nan ATMnan den bisindario: Santa Maria Gallery (Rooseveltweg), San Lucas Minimarket (Buena Vista) i Winston Churchillweg 104, pegá ku Queen’s Minimarket. Naturalmente klientenan por bishitá tur otro ATM di Banco di Caribe riba nos isla.  Banco di Caribe ta konta ku komprenshon di usuarionan di e ATM na Sandy Center i ta diskulpá pa kualke inkumbiniensia. Pa mas informashon por yama 432 3200, departamento di servisio na kliente.