ORANJESTAD – Mei – Tur aña di nobo Aruba Tourism Authority (ATA) den estrecho cooperacion cu Ministerio di Turismo ta presenta e ‘Annual Tourism Conference of Aruba’ (ATCA). Un conferencia cu ta conta cu presencia di mas cu 70 partner den sector di biahe den mercado Nort Americano incluyendo varios compania aereo, comerciantenan por mayor y online travel sites cu ta bini hunto pa cera conoci, comparti, brainstorm, netwerk y ricibi informacion di e ultimo desaroyonan den turismo di Aruba. Tabata recientemente cu a clausura e siman di ATCA cu un tremendo celebracion/ actividad cu Renaissance Aruba Resort & Casino a host.

E anochi a cuminsa na Renaissance Mall caminda e participantenan a yega den Kukukunuco bus y a ricibi un caluroso bon bini cerca Sr. Gielen, General Manager di Renaissance Aruba. Na yegada e participantenan a disfruta di algun snacks compaña pa champaña pa inicia e celebracion. Brassband y bailarinnan den trahe carnavalesco a guia e participantenan for di Renaissance Mall pa Seaport Casino na unda ku full body painted models tabata warda e grupo cu jello shots y casino chips. E anochi a continua riba e podium principal di Renaissance Marketplace cu un show carnavalesco tur afo. Despues di esaki e grupo a wordo sorpresa cu un cena na Ocean Suites Beach cu musica bibo. Na final di e celebracion e grupo di participante a disfruta di dessert den e cambernan nobo di Renaissance Ocean Suites.

Renaissance Aruba  ta sumamente contento cu e clausura impresionante di ATCA. Ta un placer pa mira impresion di satisfaccion riba cara di e participantenan. Renaissance Aruba ta convenci cu tur esaki lo no tabata por ta posibel sin un bon colaboracion y pa e motibonan aki ta gradici ATA y su partners pa e bon relacion di trabou.