Na kuminsamentu di 2014 lo introdusí e edishon kreá eksklusivamente pa Kòrsou. Huntu ku e empresa lokal PRGV 100% creatie, Identity Games, e konseshonario ofisial di e wega di Monopoly, ta preparando e Edishon di Kòrsou. Hopi di nos lugánan di interes históriko i turístiko lokal lo keda inkorporá den e edishon aki. “Tur hende ku nos ta papia kuné tokante e wega nobo ta reakshoná ku gran entusiasmo”, segun Albert Meuter di Identity Games. “Nan ta sinti nan mes onrá di por forma parti di e edishon di ‘Monopoly di Kòrsou’. Un gran kantidat di nòmber di kaya i lokalidat den e wega ya ta yená. Nos ta trata di duna un bista mas kompletu posibel di Kòrsou.” Ahinda tin e posibilidat pa patrosiná un kantidat di kaya/lokalidat den e wega. E representantenan di Identity Games lo ta na Kòrsou ahinda durante henter e luna binidero. Pa mas informashon òf pa reservá un nòmber di kaya den e wega, por tuma kontakto ku Albert Meuter na telefòn 514 5175. Òf manda un e-mail pa albert@identitygames.nl. Riba e imahen: Albert Meuter di Identity Games ku un prototipo di e edishon di Monopoly di Kòrsou.