WILLEMSTAD — Direktiva Di AMAK a komprondé for di medionan di prensa ku aparentemente na Mambo Beach a tuma un desishon pa no laga gruponan musikal lokal toka, pero si ta laga e posibilidat aki habri solamente pa gruponan Hulandes Europeo. Si e kaso aki ta asina, nos ta lamentá, pasombra e sitio di Mambo Boulevard ta un sitio hopi bunita, kaminda mester tin espasio pa nos artistanan lokal. Direktiva di AMAK ta lamentá si ku den e kaso aki e músikonan enkuestion no ta tuma e molèster di komuniká ku direktiva i ta via di medionan pa ser eksakto korant i radio, nos mester a tuma nota no ta di e situashon no korekto aki. Den e mes un rosea direktiva di AMAK ta aploudí si e miembronan ku regularmente na momento ku nan konfrontá un situashon problemátiko, ta komuniká ku nos i ta hopi ta e asuntunan ku ta keda reglá internamente sin Sali den publisidat. Direktiva di AMAK ta spera tambe ku na momento ku yama un reunion pa miembronan, nan tur akudí pa den e reunion ei nos atendé asuntunan ku mester di atenshon. Di tur manera direktiva di AMAK lo trata di drenta den kontakto ku Gerensia di e kompleho di mambo Beach, pa mira kon por remediá e asuntu aki.