TROKA FUN MILES PA TRATAMENTUNAN DI ‘WELNESS’

WILLEMSTAD – Miembronan di Fun Miles di awor en adelante por laga ekspertonan malkriá nan na Body Care Caribbean na Mahaaiweg 30. For di awor por troka Fun Miles pa tur tratamentu i pa hasi kompra den e tienda. Body Care Caribbean ya ta un konsepto konosí ora ta papia di ‘wellness’ na Kòrsou. For di masashi te manikür, for di tratamentu di kara te ‘waxing’, na Body Care Caribbean tur esakinan ta posibel den un ambiente relahá i ku tratamentu di ekspertonan spesialisá. Komo kampaña di introdukshon miembronan ku usa nan karchi di Fun Miles durante luna di sèptèmber na Body Care Caribbean tin chèns di gana un tratamentu di Spa grátis.

TOKANTE BODY CARE CARIBBEAN

Esnan ku bishitá Body Care Caribbean mesora ta eksperenshá un sensashon relahante i di trankilidat. Tin no ménos ku doshen meter kuadrá di ‘wellness’, repartí  den espasionan ku hopi estilo ku un variedat amplio na fasilidat. E tim spesialisá ta perkurá pa entre otro masashinan relahante, mehorashon di kútis (anti-aging), tratamentu di pia, manikür i e popular ‘Gellack’ pa uña. Alabes por relahá den e kabina di stom Turko òf den e souna infrared. ‘Waxing’ ta un spesialidat di Body Care Caribbean, sea ta pa kachete, lomba, pia òf e asina yamá ‘Brazilian’. Na e Body Contour Center por drecha kontorno bou di guia di un spesialista. Den e shòp tin produktonan di kuido di markanan renombrá manera Laneche, Courtin, Skin Image i Jafra, plùs tin produktonan atraktivo pa hasi regalo.

TROKA FUN MILES I GANA UN TRATAMENTU DI SPA

Pa selebrá e kolaborashon ku Fun Miles, Body Care Caribbean tin un kampaña di introdukshon atraktivo. Esnan ku troka nan Fun Miles na Body Care Caribbean den luna di Sèptèmber outomátikamente tin chèns pa gana un tratamentu di Spa. Lo tuma kontakto ku e ganadó. Alabes tin un kampaña via Facebook; ora bo ‘Like’ e página di Body Care Caribbean i alabes ‘Share’ e página riba Facebook, bo tin chèns di gana un tratamentu ‘Inspire’ (bishitá facebook.com/bodycarecaribbean).

TOKANTE FUN MILES

Fun Miles ya pa mas ku diesinku aña ta é programa di spar i troka den Karibe. Ku mas di 150.000 miembro repartí riba sinku isla, Fun Miles ta fuertemente ankrá den komunidat i ta ofresé kontinuamente posibilidatnan nobo pa trese kosnan ‘fun’ na alkanse di miembronan di ‘Fun Miles’. Esaki ta posibel danki na partnernan ku ta varia for di supermerkado te ku aereolinia, i di restorant te ku pòmpnan di gasolin. Por spar Fun Miles na mas ku 150 lokalidat na Aruba, Boneiru, St. Maarten i St. Eustatius. Por troka Fun Miles pa un tesoro di produkto i servisio grátis. Fun Miles ta semper den sentro di atenshon danki na kampañanan inovativo (entre kua e kampañanan di fin di aña), evento i partnernan atraktivo manera Body Care Caribbean.

MAS INFORMASHON TOKANTE FUN MILES?

Tuma kontakto ku servisio na kliente di Fun Miles na 465 3300 òf bishitá funmiles.net òf facebook.com/funmiles.