WILLEMSTAD – Aprel – Durante luna di aprel Starbucks rònt mundu ta pone atenshon na ‘Global month of service’ un luna den kual Starbucks ta komprometé su mes na krea oportunidatnan signifikante pa fortalesé e kliente i e komunidat den kual e tin su establesimentunan. E aña aki un bes mas lo pone énfasis riba e importansia di un bida salú i moveshon físiko ku ta ingredientenan vital pa un mente i kurpa sano.

Dia 26 di aprel próksimo un i tur ta keda invitá pa ban kana ku Starbucks. Pa partisipá na e kaminata por registrá na Starbucks Renaissance Mall pagando solamente 15 florin. E partisipashon ta inkluí un  tas di Starbucks, kos di kome i kos di bebe. Ta bon pa menshoná ku parti di lokual ku wòrdu rekoudá for di tur registrashon lo bai pa Red Cross Foundation. E kaminata lo sali 6:30AM for di e Starbucks Terrace na Renaissance Mall. Tur partisipante tin chèns di gana premionan atraktivo despues di e kaminata. Esnan ku ta deseá di partisipá na e kaminata aki ku un Starbucks t-shirt por kumpra esaki na Starbucks Renaissance Mall.

Forma grupo di amigu(a), famia i kolega i selebrá ‘Global Month of Services’ partisipando na Starbucks su ‘Star-Walk’. Registrá trempan pa e kaminata, ademas di ta ‘fun’ e lo ta pa un bon kousa tambe. Bisti bo kèts i algu kómodo i nos ta topa na Starbucks Renaissance Mall djadumingu dia 26 di aprel.