Willemstad, Siman pasa tabata e gran estreno di e komedia Ousilio, nan ta biba den nos kas. Skibi pa Mahalia Sparen, adaptá i dirigí pa Edion (Loloy) Booy. Frank i Marlene ta disidí di gosa di nan penshun i bai di biahe pa tres luna largu. Frank ta laga Toni, nan yu keda na enkargo di e kas. Pa e kas no keda para pòrnada, Toni ta tuma e desishon di hür e kas pero ora ku Frank i Marlene yega fo’i afó nan ta hañ’é ku e sorpresa ku ainda tin hende den nan kas. Ta kiko ta bai sosodé? Kiko Frank i Marlene ta bai hasi awó Djasabra 18 aprel nueb’or i siguiente funshon djadumingu 19 aprel shet’or di anochi na La Tentashon. Entrada ta Nafl 25 i miembronan di Teatro Luna Blou i La Tentashon ta paga Nafl 20,-. Karchi ta optenibel na Teatro Luna Blou, Time to Time (Saliña) i na Pòmp Sta. Maria. Pa mas informashon por yama Teatro Luna Blou na +5999 462-2209/ +5999 524-8525. Bo por chèk nos página nan wèp. www.lunablou.com. Tambe bo por sigui nos riba facebook: teatro luna blou i la tentashon.