WILLEMSTAD– Ayera durante di un rueda di prensa ku a keda konvoká pa Fundashon Kultural Kòrsou, huntu ku representantenan di Kuerpo Polisial a duna informashon relashoná ku e evento ku ta tuma lugá djadumingu awó dia di 19 di aprel.

Gruponan

Un kantidat di 36 grupo ta bai Banda Bou pa asina nan partisipá na e tradishonal marcha di seú aki. Relashoná ku esaki Fundashon Kultural Seú Kòrsou ta hasi un apelashon riba tur grupo pa nan tin nan kosnan na òrdu pa nan por partisipá kuné. Primeramente si tin kambio pa loke ta kualke un di e vehíkulonan ku no a partisipá den e promé marcha di Seú. E vehíkulo mester kùr djasabra awó entre 9:00 pa 12:00 na Klup di Shell.

Djadumingu awó tur vehíkulo ku ta bai partisipá na e marcha di seu; tantu treker ku treiler, trùk i otro vehíkulonan mester tei riba e ruta di sali di e marcha posishona. Ora di yegada ta for di 10:00 di mainta. Tur grupo ta para konforme numerashon ku nan a risibí.

Kaminda kibrá/ruta alternativa

Huntu ku Kuerpo Polisial i Fundashon Kultural Seú Kòrsou mirando ku ta drechando e aria di Tera Kora a yega na un ruta alternativo pa gruponan ku ta bai partisipá na Marcha di Seú 2015 na Banda Bou. Weg naar Westpunt yega na krusada pa bai Willibrordus Na altura di Williwood pa bai San Sebastiaan lo pone barí pa indiká kon tin di pasa einan. Despues ta sigui pa e krusada Weg naar Soto/ Villapark Fontein direkshon p’abou Ta kore te ku na e krusada na Sta. Crus y kaminda próspero Rojer Riba e kaminda ei ta kore y bin yega na Hòfi Abou kaminda e marcha ta kuminsá Pa bai bek despues di e marcha, ta sigui kore bai pariba na Barber Na altura di koperativa -union na Ascencion ta lora na man drechi, kore ku e kaminda di Sumbu ta na final (ántes Hofi Killy) Despues ta lora na man robes i kore te na altura di e krusada pa bai san Sebastiaan na altura di Villapark Fontein. Despues ta kore atrobe direkshon di Willibrodus. Na krusada lora na man robes i sigui kore te yega Weg naar Westpunt.

Ordu públiko

Durante di e marcha di seú lo tin asistensha di Krus Kòrá pa kualke eventualidat. Den estrecho koperashon ku Kuerpo Polisial e organisashon ta traha. Pa loke ta órden públiko Kuerpo Polisial lo tei promé, durante i despues di e marcha di Seú. Loke ta rekerí serka Pueblo di Kòrsou ku ta bai na gran eskala pa bai mira e Seú, pa demonstrá un komportashon síviko i sigui òrdu di outoridat. Na nòmber di Fundashon Kultural Seú Kòrsou ta deseá pueblo di Kòrsou un ” Felis Seu Banda Bou”.