E programa “Mainta ku Sherry” ku ta pasa semanalmente tur diabièrnè na kanal 8 ta bai kumpli su promé aniversario dia 8 di desèmber próksimo. Esaki ta e motibu pa kual e aña aki nos lo bai tin diferente aktividat i gesto pa yama danki na pueblo kompleto ku a sa di duna e programa aki sosten tur e 5 añanan. Nos promé aktividat lo ta un “Brunch” titulá “Sherry”s Mother’s day Brunch”. E aktividat aki ta spesial pa e mamanan bin huntu ku nan famia pa pasa un mainta dushi riba e fecha bunita di 10 di mei kual ta “Dia di Mama”. E dia aki aparte ku lo bo gosa di un tremendo brunch, e show lo ta kargá ku artistanan ku lo bin kanta i tambe presentá nan show humoristiko. Nos artistanan ku lo bai ta den e show aki ta Jill Frans, Danny Yanga,  Liesje Lispier, Dennis Cicilia, Randy Cordelia, Djuric Virginie, Naño Rosario, Dibo Doran, Tico Balentien i tambe Melania v/d Veen. Pues ku e repertorio amplio aki nos a sòru di komplase tantu e mamanan yòn i esnan di un edat poko mas grandi. E aktividat lo ta dia 10 di mei na Hilton Hotèl den e ballroom. Show ta kuminsá 10:00 i ta kaba 15:30. Bin trempan pasó e buffet pa e  “Brunch” lo será 12.30 en punto pa nos show por ranka sali. Nos ke duna bèk na komunidat i ta hopi kontentu pa anunsiá ku un parti di loke ku nos genera na entrada di e aktividat aki nos lo hasi un gesto na un skol den nos komunidat. Nos lo anunsiá dia ku nos bishita e skol aki. Caribbean Cash ta é patrosinadó mayó i  huntu ku Mainta ku Sherry nan ta invitá tur mama pa huntu ku nan famia pa bin pasa un dia plasentero i ameno na  Sherry’s mother’s day brunch. Karchi ta kosta f. 125,– i ta na benta na tur filial di Caribbean Cash i tambe na Mensings Caminada. Caribbean Cash ta fasilitábu un finansiamentu rápido den menos ku mei ora pa bo por kumpra bo karchi pa Sherry’s mother’s day brunch. Mainta ku Sherry ta invitabu pa bishitá Caribbean Cash su filialnan na Sta. Maria, Brievengat i Schottegatweg Oost pa tur bo nesesidatnan finansiero. Nos ta topa dia 10 di mei den Ballroom di Hilton Hotel na Sherry’s Mother’s day Brunch!