Willemstad – Shamiro Anita ta lansa su kantika nobo nobo titulá Kalma E Tormenta.

Den bida tin momentunan ku ta parse manera ku Dios ahinda no a “Move Tur Montaña” i ku un “Un Brasa So Mi Ke” no ta sufisiente. Na momentunan asina tin manera un tormenta den bida. Ku e kantika nobo aki, Shamiro ke enkurashá nos tur pa hisa kara na shelu durante di situashonnan difísil i mira ku Dios ta kapas di kalma e tormenta den nos bida, den nos kas i hasta den nos nashon, kompletu i inmediatamente. Letranan di e kantika ta bisa: “Ora bo bida no ta progresá i e nubianan skur ta menasa, rumannan no spanta! Djis hisa bo kara na shelu, Dios lo kalma tur ola, tur bientu. Señor tin kòntròl dje tormenta. E te Dios ku ke kita bo karga. E ta kalma e tormenta, E ta kuida nos. E ta todo poderoso, E ta Dios”. Ta trata aki di un kantika estilo ………. Di kurason, Shamiro ta spera ku mas i mas hende lo keda toka, animá i bendishona ku e kantika nobo aki. Su orashon ta pa Henter Kòrsou por keda trankil paso Dios ta kompletamente den kòntròl di tur lokual ta pasando. Pues no spanta, pero keda konfia den Dios. E ta todo poderoso di bèrdat. Pueblo por solisitá su kantika nobo na tur radio emisora na Kòrsou. Bishita shamiro su página di facebook esta Shamiro Anita, i skucha e kantika via di e página aki. Tambe por skucha e kantika nobo aki riba e website https://soundcloud.com/shamiro-anita.