Dia 5 di òktober próksimo …Fiesta!

WILLEMSTAD.- E fecha di selebrashon ta konosí! Dia 5 di òktober próksimo tei selebrá e di 25 aniversario di Urvin Jano den farándula di Kòrsou. Urvin ‘Luwi’ Jano pa selebrá e hecho aki tin un tremendo fiesta/ konsierto hinka den otro kaminda lo e bai presentá e 25 éksitonan di mas grandi di su karera musikal. Den su trayektoria musikal Urvin a sa di pega éksito tras di éksito i dia 5 di òktober lo bo tin e oportunidat di bai skucha e 25 mihó éksitonan toka pa e bandanan den kua ela yega di militá. Pa 5 di òktober ‘Luwi’ Jano lo presentá su éksitonan ku M.A.I.S., Magic Sound, Champagne, Grupo Kompèr, Gio i Tune. Lo bo tin oportunidat di skucha éksitonan manera: Kita As, Peña Saka, Marisan, Bo ta wega/ Trata tur, Baile Plu, Desy, Jandoret, Karni Piska, Felis i Parampampam. E tremendo fiesta di selebrashon aki ta bai tuma lugá den Club Façade XL. Porta lo habri for di 11’or di anochi ku animashon di dj Jorgel. Pa 12’or di anochi lo kuminsá ku e presentashon di Urvin ‘Luwi’ Jano kaminda lo e presentá tur su 25 éksitonan. Tur hit manera nos a splika kaba lo keda toka ku e respektivo banda. Karchi pa e tremendo selebrashon aki ta kosta 25 florin i lo ta optenibel na Beep Beep Rio, Koko Loko i na Servei . Un danki na Top Professional Cleaning, Licores Maduro, Heineken, Apache Heavy Equipment, Sahara Casino i Crown Automotives kendenan a spònser e Selebrashon 25 aña Urvin Jano den Farándula. Preparábu pa dia 5 di òktober huntu ku Urvin Jano bo selebrá e 25 aniversario den Farándula disfrutando dje 25 éksitonan di mas grandi di Urvin Jano pa solamente 25 florin.