E siman aki, kafetaria pa desayuno i lùnch ‘De Dames’ ta eksistí un aña. Aña pasá Eldrith de Lange i Rinat Gartner  a habrí nan kafetaria De Dames na Patio di Promenade. E dos partnernan den e negoshi tin eksperensha amplio den sektor di hospitalidat.  “Nos meta ta pa semper ofrese e mihó kalidat, bon servisio i un dushi ambiente. I pa selebrá ku nos ta eksistí un aña e luna aki, for di 16 te ku 29 di sèptèmber nos ta ofrese nos klientenan e di dos kòpi kòfi gratis, opsekio di nos kafetaria ku patrosinio di kòfi marka Puro”, segun De Dames. Ademas, den kuadro di nan promé aniversario, ‘De Dames’ ke hasi algu pa Prinses Wilhelmina Fonds. Di 9 te ku 14 di sèptèmber, ‘De Dames’ lo duna 50 sèn di kada kòpi kòfi ku nan bende na Prinses Wilhelmina Fonds. Pa un gran variedat di pan ku diferente sorto di belèg, saladanan fresku, ‘pannenkoek’ i WIFI gratis, De Dames ta habrí di djaluna te ku djabièrnè di mitar di 8 di mainta te ku 6or di atardi. Riba djasabra di mitar di 9 te ku 6or. Riba djadumingu ‘De Dames’ ta será. Klientenan ku ta chèk-in na ‘De Dames’ riba Facebook òf Foursquare ta spar punto pa un kòpi kòfi gratis di Puro Coffee. E info@dedamescuracao.com Facebook.com/dedamescuracao E team di De Dames