Willemstad- mart-  Resientemente KFC a hasi introdukshon di nan salada, “E reakshon di parti klientenan tabata fantástiko!”, esaki di akuerdo ku representante di KFC ku durante di e siman aki a hasi un bishita promoshonal na diferente radio-emisora. “Nos a komprobá ku e introdukshon di salada riba nos menú tabata na ora! Vegetal ta masha importante komo parti di nutrishon diario; klientenan ta konsiente di esaki. Nos ke ofresé nan e opshon pa sigui disfrutá di e galiña original di KFC na diferente manera; wrap, sèntwich i awor tambe den salada. Pa e temporada di kuaresma por agregá piska. E salada ta yená ku kròpsla, tomati, wòrtel raspá, pa ofresé èkstra sabor a añadí cranberrie i tambe galiña ku e reseta original di KFC, tur esaki sirbí ku un dushi dressing. E ‘bowl’ di salada fásilmente por supstituí un kuminda, kombiná esaki ku un bòter di awa òf un juice i e ‘meal’ ta kompletu. E próksimo bishita na KFC purba e ‘bowl’ di salada pa únikamente 12 florin. Riba foto athuntu e tim di KFC; nan ta wardabo bin purba é salada di momentu! KFC tin 7 filial na Kòrsou, St. Maria, Sta. Rosa, Saliña, Brionplein, Punda, Colon i Brievengat. Bishitá esun mas serka dibo i disfrutá awe mes di e ‘bowl’ di salada. Pa mas informashon riba promoshon i produktonan di KFC por bishitá nan página di facebook www.fb.com/kfc.