Louis Hilgers, presidente di Fundashon Digital Leermateriaal i inisiadó di e proyekto aki, awe a hasi entregá di e buki na algun persona di diferente direktiva di skol. Esaki ta un guia práktiko ku diferente fuente, formanan di traha, i diferente hèrmènt pa material di enseñanza digital, ku por usa den bida diario na skol. E Reisgids Digitaal Leermateriaal ta konsistí di un buki i un webapp grátis www.reisgidsdigitaalleermateriaal.org. Ku esaki, Fundashon Reisgids Digitaal Leermateriaal kier sostené dosente i mayornan den enseñansa di Fundeshi i Sekundario den teritorio Ulandes ( Ulanda,Vlaanderen, Kòrsou, Aruba, Islanan BES i Sürnam) dor di ofresé nan un guia práktiko pa uso di material digital den enseñansa. E guia ta ofresé un bista general di bon fuente i deskripshon di formanan di traha didáktiko. Tambe bo ta haña yudansa kon bo mes por traha/areglá material di enseñansa digital, basá riba hèrmènt i aplikashonnan disponibel. E Fundashon lo entregá e buki aki, ku kapítulonan tokante didáktika, media-wijsheid-competenties, i mas na tur dosente di enseñansa di Fundeshi i Skolnan Sekundario na Kòrsou i otro islanan di èks Antia. Grátis paso ideal di e fundashon aki ta, ku kada maestro mester por traha su propio lès ku e material digital ku e ke i ku ta kuadra ku su meta di lès. Diferente empresa privá i tambe direktiva nan di skol a sostené e initiativa idealistiko aki: huntu nan ta forma nos “kompañeronan di biahe”. Bo por haña mas informashon riba nan tur, na: www.reisgidsdigitaalleermateriaal.org/over/reisgenoten.