ASOSIASHON ARUBA DUSHI TERA TA KONMEMORA DIA DI HIMNO I BANDERA.

Ya ta tradishon, Asosiashon Aruba Dushi Tera lo konmemora Dia di Himno i Bandera di Aruba djarason awor, 18 di mart. Un i tur ku ta stima Aruba ta invitá pa forma parti di e Santu Sakrifisio di Misa ku ta planiá pa e dia aki. E dia lo kuminsá 6or mainta ku hisamentu di bandera di Aruba na kas di un persona Arubano ku ta biba na Kòrsou pa hopi tempu kaba. E aña aki, nos a skohe un kas di famia ku ta situá den e bario Welgelegen. E misa lo tuma lugá na parokia di Steenrijk di 7’or pa 8’or di anochi huntu ku pastor Raul Mercedes i kor Simply HIS Concept. Sea bo ta Rubiano òf simplemente bo ta stima Aruba…djòin Asosiashon Aruba Dushi Tera djarason awor pa konmemorá Himno i Bandera di e pais bisiña di e forma spesial aki.