Willemstad –Dianan 16 mart – 18 mart lo tuma luga na Miami un Cruise Shipping Conference kaminda lo tin presente más di 125 pais i ta wordu bishita pa 11.000 persona. Minister Palm lo ta presente na e evento aki hunto ku un delegashon konsitiendo di e.o direktor di CPA sr. Humberto de Castro. Durante di biahe aki Minister Palm lo hiba kombersashonnan ku algun di e barkunan krusero ku ta bishitá nos isla frekuentemente. Riba invitashon di FCCA (Florida Caribbean Cruise Association), Minister Palm lo duna update di e proyekto di Mega Pier 2 na e “FCCA Operations Committee”. Minister Palm tambe lo bishitá e kompleho di spring training di Baltimore Orioles na Sarasota kaminda e lo hiba kombersashon ku un grupo interesá pa kuminsa un liga di baseball profeshonal (afilià na MLB) di verano na Kòrsou. Mirando e oportunidad uniko aki, Minister Palm ta garantisá ku Gobiernu ta bai traha di un forma pro- aktivo i rápido pa logra realisá e proyekto aki.