Djaweps 19 di mart lo anunsia e programa kompleto di e di 4 edishon durante e Preview di e pelikula Relatos Salvajes(Wild Tales) den The Cinemas e kas di e festival di Sine. E argentino Damián Szifrón a skibi  i filma e obra aki, konsistiendo di 6 obra independiente, apsurdo,  i fantasia di vengansa di hendenan ku den un tempu masha rapido ta pèrdè kontròl propio. Relatos salvajes (2014) tabata nominá pa Oscar komo mihó pelikula stranhero. Promé ku e pelikula aki, lo anunsia e ganadornan di e pelikulanan lokal den e kompetensia Short Movies BIG Stories. E ganadornan lo partisipá den e kompetensia pa e premio di públiko. Lo pasa e pelikulanan ganador promé ku e pelikula di e nominadonan di Yellow Robin Award, e kompetensia pa “upcoming talent” di Karibe i Amerika Latino. Te dia 22 di mart por vota pa e faborito di publiko via di website curacaoiffr.com pa e kompetensia di potrèt  Capture Curaçao.  Dia 24 di mart lo anunsia e ganadornan di e kompetensia aki. Djasabra 21 di mart pa 10 or di mainta lo kuminsá bende karchi pa e festival na kaha di The Cinemas