WILLEMSTAD – Fundashon Kultural Seú Kòrsou ta hasi un yamada riba tur grupo ku ta bai partisipá na marchanan di Seú 2015 pa bin kùr nan vehíkulo djasabra awó E kùrmentu ta tuma lugá riba e tereno di parker na CPS riba Nieuwe Haven. Relashoná ku e kùrmentu aki ta pidi pa e lidernan di gruponan di Seú tuma siguiente nota: Vehíkulonan ku a partisipá den marcha di karnaval no mester kùr. Pero si mester presentá ku e komprobante/ dokumentu ku e vehíkulo aki a pasa e seshon di kùr pa partisipá den karnaval ku éksito. E komprobante di e vehíkulo ku a partisipá mester ta kompletu  Pa informá :Trèker ku treiler huntu Pikòp ku e bar ku el a trèk den karnaval Vehíkulonan “self propelled “ ku a kore den karnaval Vèn usa pa vehíkulo di konsumo/ transpòrt ku a kore den karnaval. Komprobante  : Reibeweis di  shofùrnan ku ta manehá e vehíkulonan menshoná dia di e marchanan. Vehíkulonan ku mester kùr: Tur vehíkulo ku no a partisipá na kùrmentu di karnaval Trèker i su treiler Aanhangwagen Pikòp, vèn/ bùs ets. Nota adishonal :  Kada shofùr mester trese un kopia di reibeweis bálido ku ta bai manehá un vehíkulo den marcha. Fecha di kùr ta djasabra awó 21 di mart 2015  di 9:00 pa 15:00  riba e lugá di parker na CPS. Importante: Tuma nota di esaki