Asosashon Skolnan di Baile Kòrsou (SKOBA) ta informá pueblo ku e aña aki tambe tin parehanan ku ánimo i talento pa demostrá e arte di baila nos ritmonan. Tin un kantidat di 13 pareha ku a inskribí pa e aña 2013. E entusiasmo ku a reina serka e partisipante ta haltu. Kada un ke bai ku e titulo di kampion. Huntu ku esaki tambe tin kopa i e premio di f. 2000 kèsh.  Preparashon pa e kompetensia tur afó. E aña aki e kompetensia tin un inovashon. E kompetensia ta konsitistí di dos parti.        E promé parti di kompetensia ta bailamentu i e di dos parti ta shou di kada pareha individual. Pueblo di Kòrsou bo ta invitá pa wak e mihó bailadonan di nos ritmonan. Reservá e dia 29 di sèptèmber 2013 pa un tremendo atardi na Sentro Kultrual Kòrsou. Kompetensia ta kuminsá 2 or di mèrdia na Emmastad. E informashon di mas importante ta ku e entrada ta UN SONRISA. SKOBA ta warda bo aki 28 dia pa bo lanta bo kara i biba bo kultura.