Hopi ya tabata puntra, i awe porfin por konfirmá ku un biaha mas TDS lo ofresé tur miembronan ku ta fanátiko di Baseball Liga Grandi e oportunidat di aboná riba e 14 kanalnan Standard Definition i 2 kanal High Definition pa gosa di 80 wega pa siman di Baseball Liga Grandi. Ken lo no kier siguí nos atletanan aya na Estádos Unídos? Ken no kier tin e posibilidat di sinta trankil i wak su weganan den su ambiente sin mester bira nervioso i kuminsá buska pa loko si lo pasa e wega si òf no i riba kua kanal Tur esakinan TDS ta evitá pa bo mester di hasi si bo simplemente aboná riba e 16 kanalnan aki. MLB Extra Innings ta brindabu e oportunidat di mira adelantá kua wega lo pasa riba kua kanal via di e sistema di “Guide òf EPG” ku ta disponibel riba e remote control di bo bòks. E aña aki TDS ta hasié ainda mas fásil ekonómikamente pa abo dunando bo e pakete aki pa solamente ANG50.00 florin pa luna pa bo paga den 8 luna. E oportunidat aki ta un spesial ku ta bálido solamente den luna di Mart 2015. Pa esnan ku kier paga e pakete den 1 solo biaha tambe por. E abono lo ta di ANG400.00 Pues abo fanátiko di Baseball, hasi lihé i yama 9242 òf pasa na TDS Kòrsou òf Boneiru i solisitá bo pakete di MLB Extra Innings 2015 awor. Un biaha mas TDS ta mustra ku e ta i lo keda Esun di Nos!