WILLEMSTAD, mart 2015: Den antisipashon pa Dia di Hende Muhé, Digicel a lansa un kampaña riba Social Media yamá “Muhé Ekstraordinario”. Durante e dianan previo a entrevista 6 hende muhé ku un testimonio òf eksperensia ekstraordinario- den e video nan ta konta nan historia. “Nos tabata ke a suprayá e ròl di hende muhé na Kòrsou i mundu henter. E hende muhé ta un persona multifasétiko; e ta kisas mama, yu, ruman, kasá òf partner, ehekutivo, kabes di famia i asina por sigui menshoná diferente ròl ku nan ta okupá den nos komunidat. Tur seis tabata diferente.”, esaki di akuerdo ku sra. Shayenne Rock, Marketing Manager di Digicel.

Kòrsou tin hende muhé ekstraordinario! Esei nos tur ta di akuerdo kuné. Huntu ku Saint Tropez a regalá e ganador un estadia di 1 anochi pa dos persona na Saint Tropez Ocean Club inkluyendo desayuno. Tur esnan ku ta afiliá na e página di Facebook di Digicel por a vota pa un ‘muhé ekstraordinario’. Naturalmente tur hende muhé tin un balor ekstraordinario i kada un por ta di gran impakto pa nos komunidat, pero ta un video por gana.  Resientemente Digicel a saka e video ganadó; Francheska de Palm a gana e kampaña riba Social Media dedika na Dia di Hende Muhé. Masha Pabien!

Resientemente Francheska de Palm a risibí su premio for di representante di Digicel i Saint Tropez Ocean Club. Masha pabien, bo ta un muhé ekstraordinario!