Willemstad – Den karnaval 2014 Estreno MAS Pikete lo tey un biaha mas, ku MAS Pikete i naturalmente MAS ambiente. Djamars anochi último Estreno MAS Pikete a presentá nan trahe impaktante ku nan lo desfilá kun’é den karnaval 2014. Meskos ku nan a sa di hasi e aña aki kaba, den 2014 tambe e trahe lo ta bunita, luhoso i trendy, ku un prèis pagabel pa un i tur! Den un presentashon di trahe pa su miembronan,  Estreno MAS Pikete a revelá nan tema ku lo ta: Fantasía di Alice in Wonderland! E sekshon di Estreno MAS Pikete lo focus riba e sigiente personahenan: “Alice” i tambe “Mad Hatter”! Bo por imaginá bo mes kaba ta baila i gosa ku Estreno MAS Pikete den Karnaval 2014 den e mundu di fantasia? Bo kier djòin e grupo jòng, dinámiko i yen yen di ambiente aki? EMP ta invita’bo pa like su facebook page “Estreno Mas Pikete”. Pa kualkier informashon por manda un mail na estrenomaspikete@gmail.com òf poryama na 5603792. Djiòn nos pa asina bo tambe por eksperensiá i disfrutá di loke tur hende tabata papia di dje e aña aki, kual ta e ambiente, e kalor i e sensashon ku e famia di EMP so tin pa ofresé! Un danki ta bai espesialmente na disenjadó Juan Carlos Padrino!