40,000 florin na premio kèsh

WILLEMSTAD – Mart 2015– Durante hinter aña Carnaval Casino ta presentá su klientenan ku un variashon di kampañanan atraktivo ku ta hasi posibel pa gana premionan efektivo. E siman aki ta hasi introdukshon di un otro kampaña; ‘Spring Fever Campaign’. Esaki ta kuminsá dia 7 di mart próksimo ku rifanan di plaka kèsh, bingonan spesial i promoshon pa multipliká punto. Bishitá Carnaval Casino durante e periodo di ‘Spring Fever’ i risibí 1 kupòn pa kada kombinashon spesífiko durante weganan di mesa òf 1 kupòn pa kada 15 punto akumulá riba karchi di miembresia ku chèns pa gana Naf. 40.000 na premio kèsh. Durante 7 djasabra lo tin ‘Saturday Cash Raffles’ kuminsando for di 21 di mart te 2 di mei. Bingonan spesial lo tuma lugá riba djamars, djasabra, djadumingu i dianan di fiesta manera, Pasku di Resurekshon, Dia di Rei i Dia di Obrero riba e orarionan kustumbrá. ‘Spring Fever Campaign’ ta brinda tur hungadónan di mashin oportunidat di multipliká nan punto durante hinter siman. Habri siman ku posibilidat di triplifiká puntonan riba karchi di miembresia for di 12’or te ku 10’or di anochi. Riba djamars ta risibí dòbel punto entre 4’or i 10’or di anochi miéntras ku djarason Carnaval Casino ta brinda e posibilidat di akumulá 10 bes e kantidat di punto riba karchi di miembresia di 8’or te 10’or di anochi. Djaweps Carnaval Casino ta dòbel bo kantidat di kupòn di 8’or te 10’or di anochi. Pa habri fin di siman tin dòbel i tripel punto di 12’or pa 6’or i ‘Hot Seat’ di 8’or pa 10’or di anochi. Riba djasabra i djadumingu lo tin posibilidat pa dòbel punto di 4’or pa 10’or di anochi. Próksimo sorteo lo ta djasabra 28 di mart kaminda lo tin ‘special bingo’, músika bibu i e rifa hopi antisipá di premio kèsh. Ta bon pa menshoná ku sobrá fechanan di sorteo lo ta 4 di aprel, 11 di aprel, 18 di aprel, 25 di aprel i 2 di mei. Na momentu di e sorteo tur kliente ku a depositá nan lòt den e buzon mester tei presente ku identifikashon bálido. Pa mas informashon riba e reglanan di ‘Spring Fever Campaign’ por akudí na e ‘Players Center’ den Carnaval Casino òf yama 435-5089. Keep it fun: Play Responsibly