E cas di artista durante di e festival
ORANJESTAD –Maart– Den fin di siman tras di lomba y e dianan previo na e ‘Flip Flop Festival’, Renaissance Aruba Resort & Casino tabata un bes mas e cas di e artistanan cu a wordo invita pa presenta durante di e festival y e pool party cu a resulta un exito rotundo. Mas di 7,000 hende riba pia pa disfruta di un festival cu a keda ofrece gratis na publico. Di acuerdo cu Zugheila Lindeborg di Renaissance Aruba Resort & Casino, “Nos ta felicita nos compania ruman, Tropical Bottling Company cu e festival. Un trabou cu a conta cu detayenan profecional y cu por competi den region cu cualkier otro festival di e indole aki. Masha Pabien na henter e ‘Flip Flop Festival’ crew”. Durante di e dianan den anticipacion pa e ‘Flip Flop Festival’ Dj Dyna for di Hulanda, Dj Jay Nightrider for di USA, Dj Andy Safado di Surinam, Dj Alex Sargo (NRG) for di Curaçao y tambe tur cantante y integrante di Israel Vibrations a hospeda na Renaissance Aruba Resort & Casino. Ademas di esaki tawata tin un Meet & Greet cu Israel Vibrations, na unda cu prensa y ganadornan di e campaña di radio Cool FM tabata tin e oportunidad pa combersa cu e legendarionan y tambe saca potret. Renaissance Aruba Resort & Casino tabata tin un Rlife live Flip Flop Pre- Splash Party na unda e DJ nan di e festival hunto cu Aruba su propio Djnan local e.o Rustica, Daniville y Karixon a duna un tremendo prestacion pa un grupo di invitado di Tropical Bottling Company cu ta e organisadonan di e ‘5th Flip Flop event’ unda cu a celebra existencia y exito di cerbes CHILL. Tocante Renaissance Aruba Resort & Casino: ta inclui e ‘adult-exclusive’ Marina Hotel y e Ocean Suites dedica na famia. E resort ta e unico propiedad na Aruba cu ta opera su propio isla priva, 40 hectar- exclusivamente pa huesped. Tur huesped ta wordo transporta cu ‘water taxi’. Ademas di esaki, e resort ta inclui establecimentonan di primera, 15 Restaurant, 2 Casino, 2 Mall, un Spa di 3,500 meter cuadra y un theater di 6 cinema. E Renaissance Convention Center ta Aruba su sala di exhibicion i reunion di mas grandi. Bishita, www.renaruba.com of conecta cu e pagina di facebook di e resort www.facebook.com/RenaissanceAruba, twitter @RenAruba.