| Minister di Enseñansa, Siensia, Kultura i Deporte a habri e SIMAN DELFOS KORSOU
Minister Irene Dick a hasi apertura di e programa prepará pa Fundashon Frontera pa profeshonalnan na Kòrsou kondusí pa dr. Martine Delfos kende ta un investigador sientifiko spesialisá entre otro den terapia di relashon, outismo i problemanan ku komementu. Dr. Delfos ta guia na varios parti di reino seshonnan di entrenamentu pa profeshonalnan den vèlt. Minister Irene Dick a enfoká riba e importansha di e tipo di seshonnan aki pa nos por perfekshoná nos asistensha profeshonal na nos alumnonan ku ta meresé esaki i logra asina asistí i yuda nos hóbennan ku ta eksihí atenshon spesial pa por logra eksitosamente nan ophetivonan den bida apesar di kualkier defisensia den “komportashon “ ku nan por parse di tin. Minister Dick a ser risibí pa Angela Lachman di Fundashon Frontera i Dr. Martine Delfos kende lo kondusí e programa di entrenamentu. Profeshonalnan na Kòrsou ta asistiendo na gran kantidat n’e evento spesial i importante aki.
|
Mas adilanti nos lo publika un entrevista ku nos a hasi ku dr. Martine Delfos riba su ponesia na salida di su presentashonk ku;” basá riba e hecho di ku na Kòrsou nos ta hasi uso di varios idioma (3 minimal) den nos edukashon, ku pa definishon e por konklui sin mas ku e hecho aki solamente mester tin un efekto negativo riba nos alumnonan i ku e konsekuensha di esaki ta ku e ta den relashon direkto ku un oumento di agreshon bou di nan i den nos komunidat. Ela kompará e efekto den relashon ku loke muchanan outista ta eksperimentá den nan oido i mente ku ta kansanan inmensamente i hiba na komportashon ku ta hala atenshon djesnan rondo di nan.