Ta pa promé biaha den historia di Hulanda ku un hende di koló ta interpretá papel di un minister presidènt. Pa kolmo de los kolmos e promé minister ta hiba un lucha entre su sintimentunan homoseksual I su partido. Segun e partido esaki lo ta desastroso pa nan imágen.
E amante sekreto di e promé minister ke oblig’é pa stòp di skonde nan relashon i menshon’é públikamente, si no lo e pone un fin na dje. Ora ku e minister presidènt disidí di trese su relashon den publisidat na un konferensha di prensa, su sekretaria ta drèi mat’é. Raymi Sambo i Jens Rijsdijk (18) a firma konhuntamente pa krea i dirigí e guión. A traha e pelíkula den kuadro di e asina yamá ’48 hour Film’. Esaki ta enserá ku den 48 ora mester por a pensa, filma, editá i usa un tema musikal nobo, komponé speshalmente p’e okashon. Durante anunsio di ganadónan di ’48 Hour Award’, ‘Premier’ a risibí premio pa mihó pelikula (ta bai pas’é na Merka), mihó aktor (Raymi Sambo) i mihó kámara i montahe. Tambe a nomin’é pa premio di mihó guion (e.o Raymi Sambo), mihó direktor (Raymi Sambo i Jens Rijsdijk) i mihó poster di anunsio. ‘Premier’ ta ònlain for di dia 30 di ougùstùs 2013, I ta hanjando hopi hits. Pa  mas informashon por bai riba www.premierdefilm.nl