WILLEMSTAD – Komo e kadena mas grandi di teater riba e kontinente Pan Amerikano, ku 495 teater ku huntu ta konta ku 5675 sala di sine rònt mundu (konforme e último datonan di desèmber 2014), na fin di mei awor Cinemark lo habri su teater super moderno den e sentro komersial nobo di Sambil Curaçao, ku lo ta e promé den su sorto den region di Karibe. Cinemark na Sambil lo tin 6 sala ku un kapasidat total di mas ku 900 persona. Tur e salanan aki ta 100% digital konforme e konsepto nobo di NEXTGEN ku Cinemark mes a desaroyá i ku ta representá e teknologia mas avansá den e industria sinematográfiko. Tur e salanan di disponé di proyektornan 4K ku un resolushon di 4096 x 2160 pixels pa un mihó resolushon i un kalidat mas haltu di imágen, un sistema di zonidu JBL di kanalnan 7.1, ku èmplifayer mas fuerte i loutspiker ku un potensia di te 26.000 pa 32.000 watt (en komparashon: den salanan tradishonal tin un potensia di 4200 watt i kanalnan 5.1). Serka Cinemark den Sambil klientenan por disfrutá tambe di e Digital Extremo HD Cinema den e sala XD, e úniko na Kòrsou ku un instalashon di zonidu di Auro, loke ta e mihó i mas nobo riba tereno di sistemanan di zonidu na mundu ku kanalnan 11,1 (kontra kanalnan 5,1 den salanan tradishonal), ku 74 loutspiker (kontra 20 den salanan tradishonal) i un forsa te 90.000 watt (kontra 5000 watt den salanan tradishonal). Ademas, e sala di XD masha spesial aki ta brinda tambe di butaka ku su mesita aserka pa un komodidat tur afó, un pantaya gigantesko di suela pa plafònt i kubriendo e hanchura kompleto di sala, un ‘silver screen’ ku un proyèkter digital pa wak pelíkula den di sistemanan 2D i 3D. E proyekshon ta duna un forsa di lus te 60.000 lumen pa un imágen mas skèrpi i mas kla, ku un tremendo bista for di kualke asiento den e sala, pa un tremendo eksperensia di surround. Komosifuera no ta sufisiente, Cinemark ta ofresé su klientenan tambe servisionan online, manera pa hasi kompra online atraves di www.cinemarkca.com, kumpra karchi di entrada atraves di kioskonan elektróniko ku ta funshoná 24 ora pa dia pafó di e teater, reservá stul mesora ora ta kumpra karchi i e tarheta di Cineplus+ ku ta brinda klientenan durante henter aña tur siman benefisio adishonal. Bin disfrutá pronto, solamente na Cinemark!