Willemstad- FCW-Legal ta kumpli 5 aña ofresiendo konseho i sosten hurídiko di kalidat, personal i na midi na nos komunidat.  Durante di su 5 aña di eksistensha e bufete di abogado,fundador di e partnernan Wilfred Flocker, Glenn Camelia i e desaparesido Johan Winkel, danki na e konfiansa di komunidat, a krese tantu na portafolio komo na profeshonalnan riba tereno hurídiko.  Entretantu FCW Legal a krese ku atkisishon di abogadonan Imrat Narain i Eric Kleist i hurista Caryl Monte.  Ku e kapasidat i profundidat aki FCW- Legal a proba di ta un bufete di abogado ábil pa atendé retonan hurídiko di embergadura i kompliká pero semper den un forma modesto lagando semper su resultadonan, na bienestar di su klientenan, papia palabra kla. Base pa lanta FCW-Legal tabata e unifikashon di añanan di eksperensha di e huristanan Flocker, Camelia i Winkel. FCW- Legal semper ai ta hasi lo máksimo pa keda ofresé servisionan di kalidat haltu dirigí riba e nesesidat di e kliente.  E profeshonalnan di FCW Legal, danki na nan añanan di eksperensha i envolvimentu aktivo den nos komunidat konosé nos komunidat mihó ku kualke otro.  E bufete ta ofresé servisio i sosten amplio riba tereno di lei sivil, lei di negoshi, lei di kontrakt, lei di labor, mediation, lei atministrativo, lei di propiedat, lei di faillisement, propiedat intelektual banko & finansa. “FCW- Legal ta gradisí komunidat pa e konfiansa duna na nos ofisina durante di e 5 añanan ku ta tras di lomba.  Ku orguyo nos ta mira bèk tambe riba loke nos a logra pa nos klientenan.  Komunidat por sigui spera e mesun kompromiso aki di nos parti pa sigui ofresé konseho i sosten di nivel, na midi i personal sin importá kon kompleho e reto ta.  Nos lo sigui aportá na adelanto di nos komunidat”  Glenn Camelia a bisa. FCW- Legal su ofisina, riba Gomezplein, den sentro di nos suidat ta indikativo di e lugá ku e bufete ta aspirá di keda mantené den nos komunidat; sentral i semper kontribuyendo na desaroyo.  Selebrashon di 5 aña FCW-Legal ta un selebrashon di e añanan tras di lomba pero na mes momentu inisio di un kompromiso di FCW-Legal pa hopi 5 aña mas ofresiendo nos komunidat konseho i sosten hurídiko di kalidat pero semper na un forma personal i na midi.