Resientemente Curaçao Lions Club a hasi entrega di un donashon di Fl. 3500,00 na C-Moves: Curaçao Movement Education Support. C-moves ta un fundashon ku tin komo su meta pa mehorá kalidat di edukashon físiko na skolnan básiko y avansá ku no tin e “tools” nesesario pa duna Edukuashon fisiko na nivel. C-Moves tin kontrato ku 5 Akademia di edukashon físiko na Hulanda: Amsterdam, Den Haag , Groningen, Eindhoven y Zwolle. E kontrato aki ta enserá ku e studiante ku ta den nan anja final, lo kore stage aki na Kòrsou na diferente skolnan básiko y avansá. E studiante nan lo duna lès sin pago a kambio. Tin hopi skol aki na Kòrsou ku no ta dunando edukashon físiko debí na falta di personal y falta di fondo nesesario. Danki na C-Moves, ku aktualmente muchanan di 14 skol aki na Korsow tambe ta haña oportunidat di disfrutá di edukashon físiko na skol. Curaçao Lions Club tambe ta sostené C-Moves den esaki.