Willemstad/California – Curaçao Airport Partners a introdusí Jet Centre Curaçao na e konferensha ‘2015 NBAA Schedulers & Dispatchers’ (SDC2015), kual siman pasá a tuma lugá na San José McEnery Conference Center na California. SDC2015 ta ser konsiderá komo un di e mihó lugánan kaminda esnan enkargá ku planifikashon i koordinashon den e mundo di negoshi di aviashon por hasi negoshi ku bista riba e aña benidero. Yanüari ùltimo, Jet Centre Curaçao a wòrdu akseptá komo ‘Air Elite member’ den e prestigioso programa di FBO (Fixed-Based Operator) dor di World Fuel, e mayorista di kombustibel den mundu di aviashon. Esaki a nifiká ku e stènt di Jet Centre Curaçao a wòrdu posishoná den e koredor di ‘Air Elite’ di e sekshon di ‘World Fuel’, kual ta un ekselente propaganda pa Kòrsou i e resien inougurá Jet Centre Curaçao.