WILLEMSTAD, 9 febrüari 2015 – Entrante di 10 di febrüari 2015, klientenan di Chippie na Kòrsou i Boneiru ku ta hasi uso di e servisio di data sea prepago òf postpago, por disfrutá durante e luna di febrüari di 100% mas data GRÁTIS, esta DÒBEL data. Durante temporada di karnaval, usuarionan di smartphones ta hasi mas i mas uso di data, esta  internèt riba nan selular. Esaki ta pa kompartí por ehèmpel pòtrètnan, video i komentarionan di e ‘Jump in’ nan òf marchanan di karnaval riba e aplikashonnan sosial ku ta popular. Aworakí e interes pa hasi uso di data ta aun mas grandi i esaki ta relashoná ku Chippie su tremendo kampaña pa temporada di karnaval ku su lema “His’é, Sak’é, But’é’’ (Hisa bo ‘selfie stick, saka bo ‘selfie’ i but’é riba internèt). Pa akomodá su klientenan di Kòrsou i Boneiru durante e temporada di karnaval aki, for di 10 di febrüari 2015 te ku 6 di mart 2015, Chippie ta ofresé nan 100% èkstra data na momentu ku nan aktivá kualke pakete di data prepago. Esaki por ta Basic, 4G standard, 4G premium òf un di e paketenan prepago 3 den 1 ku ta Chippie Trendy, Relax òf Freestyle. Klientenan postpago ku tin un pakete di data di Chippie ta haña 100% di data outomátikamente den e luna di febrüari. Aparte ku e klientenan aki por disfrutá di 100% mas data durante di e temporada di karnaval, un bentaha sigur tambe ta ku e data ku nan risibí no ta restringí i por ser usá riba kualke aplikashon manera Facebook, WhatsApp, BBM, Twitter, Viber, Tango, Skype, Instagram, Youtube, etc. Esaki ta nifiká ku klientenan di Chippie por hasi uso di más Facebook, más Whatsapp i más aplikashon sosial sin ningun gastu adishonal! Asin’aki Chippie ta hasi posibel pa tur hende por kompartí nan momentunan karnavalesko ku otro i tambe His’é, Sak’é, But’é sin ningun preokupashon. Pa mas informashon di paketenan di Chippie por bishitá www.uts.cw.