Pa medio di esaki Kas di Kultura ta informá ku Museo Tula (Lanthùis Kenepa) su orario i dianan di bishita ta kambia temporalmente. Esaki pa motibu di un  trayekto di remodelashon ku ta bai kuminsá na Museo Tula. Entrante awe Museo Tula ta habrí di djaluna te ku djabièrnè di 9.00 pa 15.30 sin stòp. Durante wikènt e museo ta será. Por fabor tuma bon nota di e kambio aki. Nos diskulpa pa kualke inkombeniensia ku e kambio aki por trese kuné. Pa kualke informashon Museo Tula ta alkansabel na 8886396, facebookpage ‘Museo Tula òf mail adrès thissenj@kasdikultura.cw.