WILLEMSTAD.- Biker’s Carnival Parade a bira awor mas ‘heavy’ ku Rei di Tumba, Amos Balentin i tambe Tune ku Tico Libiee, den parada lo tin animashon di dj Argenis Huerta. Ta djaluna awor e tremendo Biker’s Carnival Parade ta tuma lugá kuminsando pa 8’or di anochi i ta terminá 12’or di anochi. Biker’s lo kore e ruta ku un spit basta slou, sin para pa e motosaikelnan no keinta, dunando e públiko oportunidat pa atmirá e parada. E ruta ta kuminsá na Rooseveltweg bai Colon i lora bin bek bin terminá na Roosevelt Center kaminda lo tin animashon di O’Vega i Tune. Karchi ta kosta 35 florin, inkluyendo T-shirt i dos bibida grátis, i ta optenibel na Beep Beep, 24 uur uit de muur i na sede di MEO situá na Rooseveltweg. MEO i Biker’s Life ta organisá.