Willemstad, Teatro Luna Blou i Travellings Caribean Film Showcase ta presentá movie under the moon.Movie under the moon ta un konsepto nobo ku Teatro Luna Blou a kuminsa kune, semanalmente Luna Blou ta presentá diferente pelikula ku publiko por disfruta di dje den airu liber. E siman aki nos ta presentá e pelikula “ The Black Creoles-memories and identities “ E pelikula aki ta un pelikula etnografiko ku ta konta di e yegada di e hende di kolo na america central i karibe, tambe e pelikula lo konta kon e rasa creole a keda formá. Un pelikula dokumental ku ta revelá e geografia humano i kon ela sobrebibi. E dokumental aki lo splika historia di bida diario di nos ansestronan i nan kultura. Nan rekuerdo nan, nan desafio nan i nan relashon historiko ku esun karibense. E pelikula aki a keda produsi pa Luna Films. E pelikula aki resientemente a keda premia na e Festilval Internacional di Pelikula na Costa Rica i e Festivaldi pelikula latino na Finlandia komo e miho “Largometraje/dokumental”. E pelikula “The Black Creoles a keda produsi i dirigi pa Maria Jose Alvarez i Martha Clarisa Hernandez. Teatro Luna Blou kier hasi un invitashon kordial na pueblo di Kòrsou pa bin wak e pelikula ariba menshoná i asina identifiká ki influensia esaki tin riba nos kultura. Entrada ta kompletamente gratis i riba nos Terras Blou Blou nos tin nos Blou Blou bar ku ta ofrese bo tur tipo di refresko i bebida  i awor nos Blou Blou snack tambe tei pa brinda bo nos sukulento pan ku stoba, filet, hamburger, hot dog i tambe nos dushi sopi di dia. Bin trempan dal bo pan i mas.. Nos ta warda bo pa bin disfruta di un dushi ambiente riba e terasa di Teatro Luna Blou ku nos “Movie under the moon. Pa mas informashon bishita facebook page di Teatro Luna Blou òf página web : www.lunablou.com.Tambe por yama Teatro Luna Blou na 462-2209.