Kòrsou, 26 di yanüari 2015 – Durante e último añanan, ku hopi satisfakshon, UTS ta forma parti di e grupo di “Branding Partners” di e dos eventonan kultural mas grandi ku Kòrsou konosé, Festival di Tumba i Karnaval. Ku su partisipashon, UTS no únikamente ta demostrá su interes i responsabilidat síviko pa yuda desaroyá, mantené i alsa nos kultura, pero tambe ta duna un kontribushon pa alsa e kalidat di tantu nos festival di Tumba komo nos marchanan di karnaval. E aña aki UTS ku su servisio CHIPPIE tei pa malkriá su klientenan durante festival di Tumba. Ku su lema “His’é, Sak’é, But’é”, UTS ta presentá su kampaña pa temporada di karnaval 2015, kual lo ser lansá durante di festival di Tumba 2015. ‘Social Media’ a bira un ‘hype’ den tur aspekto i ta forma parti di nos komunidat. UTS komo kompania inovativo ta bai ‘mee’ ku e trènt ku ta kresiendo aki i durante festival di Tumba lo laga e bishitantenan sosialisá i interkambiá ku UTS di un manera ‘FUN’! “His’é, Sak’é, But’é”! Ku e lema aki, e tim promoshonal di Chippie, ku ta kana rònt den festival di Tumba ku e ‘selfie stick’nan, ta enkurashá klientenan di Chippie ku ta bishitá e festival, pa saka un ‘selfie’ serka nan i mesora e pòtrèt lo keda di ‘post’ riba e página di Facebook di UTS. Kada anochi di tumba, UTS lo selektá 5 pòtrèt ganadó via di e sistema di e kòmpiuter i anunsiá esakinan riba e podio grandi durante festival di Tumba. E promé premio lo ta un ‘smartphone’, plùs krédito na yamada, plùs un ‘selfie stick’ i e kuater otro premionan ta un ‘selfie stick’.Klientenan por keda na altura mesora di tur e detayenan relashoná ku kampaña aki, siguiendo e hash tag #HiseSakeBute. Klientenan ku no bishitá festival di Tumba, tambe lo tin e oportunidat pa gana premionan fabuloso, manera entre otro e ’selfie stick’ durante henter e periodo di karnaval. Úniko kos ku nan tin ku hasi ta bishitá e página di Facebook di UTS na www.facebook/utscuracao , ‘LIKE’ i ‘SHARE’ e page, aktivá e ‘notifications options’ i keda na altura di tur informashon, oferta, rifa i kampañanan di UTS. Manera ya ta un kustumber, Chippie lo tei presente ku su stènt durante e 4 anochinan di Festival di Tumba, pero e biaha aki no pa bende telefòn, pero pa malkriá i duna servisio na klientenan di Chippie ku ta bishitá e festival aki. Si bateria di bo Chippie a baha òf ta bahando, no ta problema. Na e stènt aki, Chippie lo tin un ‘charging station’, kaminda gratuitamente abo por pasa karga bo Chippie p’abo por sigui komuniká. Lo bai tin diferente ‘charger’ pa diferente modèl di telefòn. Aparte di e servisio grátis aki, bo por kumpra tambe un ‘power seed’ òf ‘portable charger’, pa karga bo Chippie. Lo bai tin dos modèl: unu pa ANG 45 i e otro ta kosta ANG 70. Si bo krédito na yamada a kaba òf ta kabando, tampoko no ta un problema. Chippie tei pa malkriá bo i duna bo e servisio ku bo meresé. Na e stènt di Chippie por kumpra krédito na yamada, pero e tim promoshonal di Chippie tambe lo kana rònt ku un ‘swipe machine’, p’asina unda ku bo ta pará, bo por ‘swipe’ i kumpra krédito na yamada serka nan mes. Si bo tambe ke tin un di e famoso ‘selfie stick’, tampoko no ta un problema. Esakinan tambe lo ta di benta den e stènt di Chippie pa solamente ANG 40, p’asina klientenan di Chippie por ‘His’é, Sak’é, But’é’ durante henter e periodo di karnaval. Esaki lo ta solamente riba e último anochi di tumba, esta djabièrnè 30 di yanüari 2015. Klientenan ku apliká pa internèt na kas na kualke UTS Store durante henter e siman di tumba (26 di yanüari 2015 te ku 31 di yanüari 2015), lo risibí 2 luna di abono grátis i e promé 10 klientenan lo risibí un ‘powerseed’ di regalo. E oferta aki ta solamente bálido na e UTS Storenan. Bo mes ta mira, ta hopi kos UTS tin pa ofresé atraves di su servisionan durante festival di tumba. Di e manera aki, Chippie ta brinda mas satisfakshon i benefisio na su klientenan durante festival di Tumba. ‘His’é, Sak’é, But’é’ ku bo Chippie ‘selfie stick’ durante henter e periodo di karnaval!