WILLEMSTAD- Inskripshon pa HOPE Softball Tournament 2015, un torneo di softball slowpitch soshal komersial, a habri. Atletanan di SOAB konhuntamente ku e Asosashon di Aktividatnan Soshal, ACZHON ya ta den full swing ku preparashon pa HOPE Softball Tournament 2015. Ya a kuminsá sinti e entusiasmo di varios kompanía. Esaki ta un di e motibunan ku nos ta urgi tur kompanía ku ta deseá na partisipá na e torneao aki pa hasi esaki mas lihé ku ta posibel. Kompaníanan ku kier forma parti di HOPE Softball Tournament 2015 por inskribí via di e e-mail adrès: hope@soab.cw i hasi menshon di e nòmber di e kompanía, nòmber di e persona di kontakto, number di telefòn i e-mail di e persona di kontakto di e kompanía. Tambe bo por indiká mesora den kua kategoría e kompanía ta deseá na inskribí p’é.

E kategorianan ta :

• Femenino Soshal (konsistiendo di un máksimo di 3 hungadó aktivo)
• Maskulino Soshal (konsistiendo di un máksimo di 3 hungadó aktivo),
• Maskulino Challenger (konsistiendo di un máksimo di 6 hungadó aktivo)
• Maskulino Super Challenger (NO tin un máksimo di hungadó aktivo).

E aña aki tambe ta habri posibilidat pa dos kategoria nobo, pero e dos kategorianan aki lo ta solamente si tin sufisiente ánimo:

• Femenino Challenger (konsistiendo di un máksimo di 5 hungadó aktivo)
• Maskulino/Femenino soshal kombiná (konsistiendo di un mínimo di 4 damas i 4 kabayero i no ta permití hungadó aktivo den e tim).

Otro informashon importante :

• Tur hungadó mester ta empleado di e kompanía i tin un edat mínimo di 18 aña.
• Bo partisipashon ta bira definitivo na e momento ku bo kompanía paga e suma di inskripshon i entregá lista di hungadonan ku firma i stèmpel di kompanía. Si bo no kumpli ku un di e kondishonan aki, bo inskripshon lo NO ta bálido.
• HOPE Softball Tournament 2015  ta start djaweps 19 Mart i lo terminá diadumingo 26 Aprel.
• Tereno: Suvek Ballpark
• Dianan di wega : djaweps, djabièrnè, djasabra i djadumingu
• Riba 24 Febrüari pa 18:30 riba patio di SOAB na Scharlooweg 174 lo tin un seshon di informashon pa tur tim partisipante.
• Pa mas informashon por tuma kontakto ku Shareday Christina, Sandra Fokke o Junice Augusta na 466-9000. 

   

  15 Yanüari 2015