TDS, nos kompania di Televishon paga mas grandi na Kòrsou, a habri aña 2015 regalando tur su kliente nan 2 kanal èkstra. Primeramente despues ku kanal 10, RCTV di Venezuela a stòp di transmití, a keda un bashí grandi riba e number di kanal ei. Pero awor ya no mas. For di awe 14 di yanüari 2015, TVES, Televisora Venezolana Social, ta disponibel riba kanal 10. Kanal 10 ta konosí pa su novelanan, notisia, obra di man i otro shownan. E kanal aki ta pa tur kliente di TDS pues tambe pa klientenan ku e pakete “ESUN CHIKI”. Kanal 70 ta e di 2 kanal ku TDS a lansa. E kanal aki for di 2014 a kuminsá operá brindando highlights nan, tepnan balioso di TDS i informashon di dia nan di pago. Awor a habri e sekshon riba e kanal aki ku yama: “Kiko mas tin pa hasi”. E sekshon aki ta brinda TUR hende ku tin un evento i tin un asina yama “flyer” pa pone esaki riba e kanal. Pues TDS ta brindabu e oportunidat pa promov’é bo evento riba mas ku 80 mil bòks di TDS. Esaki ta un bon oportunidat pa organisashonnan karikativo òf gruponan di karnaval pero tambe otro organisashonnan ekspon’é nan evento pa tur miembro di TDS. Pa mas informashon por manda un email na tdsmarketing@uts.cw pa mas informashon. TDS a la bes kier informá tur kliente pa keda pendiente pa un programa nunka bisto ku pronto lo pasa riba kanal 81. E programa aki lo pasa durante e siman promé ku Festival di Tumba, pues si ABO no a tumba bo Festival di Tumba 2015, hasi esaki lihé pa bo no pèrdè e gran programa aki. TDS un biaha mas trahando pa tur su klientenan pa entretené abo nos miembro mas i mas.