Fo’i su establesimentu, día 10 di januari 1990, Sentro Médiko Sta. Rosa a desaroya den un sentro médiko multidisiplinario i bon ekipa, unda den un ambiente moderno e enfoke a keda riba e kuido integral. E sentro médiko ta traha ku un tim di profeshonalnan i dokternan di kas, entre otro, un dokter di kas speshalisa den malesanan kardiovaskular, i un dietista i nutrishonista deportivo. E sentro tambe ta ofrese ortopedia i ginekología di infertilidat. Sentro Médiko Sta. Rosa tambe ta traha ku e enfermeranan eksperiensia i bon entrena, además di un laboratorio di kalidat haltu (Lab. De Med). E sentro médico tambe ta hasi Echo, ECG, MSKUS i ta hasi intervenshonnan guía pa ultrosonido. Además, e sentro ta ofrese prueba Isosinético, Fisioterapia, Medisina di deporte i Radiología (Rayo X básiko di skelet). Durante e 25 añanan di Sentro Médiko Sta. Rosa, un soño a nasé unda kuido riba nivel haltu a keda integra riba un manera innovativo riba nos isla. Un país chiki por tin aspirashonnan grandi, i mester purba utilisa e eskala chiki akí pa saka lo maksimo fo’i e liñanan kortiku i relashonnan interaktivo den salubidat. Nos por duna miho servisio si nos bai den e direkshon korekto, i desaroya un liña kronológiko pa realisa nos objetivo. Un bon ehèmpel ta e inisiativa di e Asosiashon di Dokternan di kas di Kòrsou pa desaroya su propio vishon, i splika esaki den e dokumento di vishon di Medisina General pa 2015-2020. Den e dokumento akí, progreso grandi a keda realisa unda bareranan, kual a ser krea dor di strukturanan den pasado, a keda elimina i remplasa ku strukturanan di kuido ku ta koresponde ku e nesesidatnan di kuido moderno. Hopi ta depende di gobièrnu i entidatnan públiko, i e promé reakshonnan ta prometedor. Sinembargo, mester invertí den e infrastruktura ku falta i mester más planifikashon den rekurso humano. Ta esensial pa determina, kiko, ken i kuántu di esaki mester. Además, mester determina kuántu e invershonnan akí lo kosta i kiko e lo produsi. Kiko e konsekuensianan lo ta si e kambionan akí no keda implementa, ta e gran pregunta. Algún ehèmpel ta: 1. Fortalese e kuido primario, unda menos persona lo keda redirigí. E promé líña por hasi más, ku por ehèmpel ‘Point of Care Testing’, pero en partikular den e ampliamentu di e posibilidatnan diagnóstiko i di tratamento. Menos persona e ora ei lo keda réferi inesesariamente na spesialistanan. Un efekto sekundario ta, ku lo tin un redirigímentu más rápido entre e spesialista bek pa e dokter di kas. 2. E asistentenan di práktika/ enfermeranan: Varios aña kaba, dokternan di kas ta traha ku asistentenan di práktika, ken ta kita hopi trabou fo’i man. Esaki ta permití ku e dokter por pasa más tempu ku e pashentnan i asina por ofrese un kuido di miho kalidat den un práktika. 3. Telemedisina: Radiología, Dermatología, i Kardiología! 4. Sistema di Warda Integral. Ku Kòrsou ta funkshona komo grupo di servisio den su totalidat. Posiblemente por instala sentronan di dokter di kas, unda ta invertí den dokternan di ANW, kende por yena e oranan bashi den e itinerario. 5. Konsientisashon, konsientisashon, i mas konsientisashon! Strukturalmente, konsistentemente i persistentemente eduka e komunidat riba diferente nivel di komunikashon, kumisando fo’i e promé aña na skol básiko. Sta. Rosaweg 329, Curaçao T: +5999 7676666 info@curacao-health.com F: +5999 7674139 6. Duna salú atenshon (Salubridat). Invertí fuertemente pa redusi tur malesa krea pa estilo di bida. Mantene nos komunidat saludabel! Sentro Médiko Sta. Rosa tin e speransa ku e puntonan akí lo keda realisa den e próksimo añanan.