Willemstad – 12 Desèmber 2014 Dia 31 di oktober 2014, Fundashon Bon Intenshon a duna un homenahe na Sr. Macario Prudencia. E homenahe aki a tuma luga na Plaza Brion, kaminda un multitu grandi a akudi, pa por a skucha, baila i disfrutá di e Orkesta bou di direkshon di Maestro Grogory Colina, toka piesanan di Macario Prudencia i kantá pa hóbennan (Gibi i Dibo Doran, Urving Yano, Albertico Libiee, Tico Balentien, Little Leito, Amos Balentin i Moises Ramos). Durante di e anochi ei, Lions Club, riba inisiativa di Fundashon Bon Intenshon a tene un rekoudashon i a rekouda Ang. 4300. Lions Club a dòbel e kantidat di plaka aki for di nan sentro I a duna Fundashon Bethesda un bunita regalo pa fin di aña. Nos di Lions i Fundashon Bon intenshon ta masha gradesido na komunidat di Kòrsou pa nan sosten na nos proyektonan